Pages

Friday 14 June 2013

క్షణాలే యుగాలైనా..!!



పగలయితే క్షణాల్ని
రాత్రయితే నక్షత్రాల్నీ... లెక్కపెడుతూ
తనువంతా కళ్లతో
నీ కోసం చూస్తుంటానా

ఓ క్షణం మెరుపులా
అలా వచ్చి ఇలా మాయవుతుంటావు
అయినా
ఆ క్షణకాలపు నీ సాన్నిధ్యం
గుండె లోతుల్లోంచి వస్తోందా
అన్నట్టుండే నీ పిలుపూ
ఎంత బాగుంటాయో

అందుకే.....
క్షణకాలపు మెరుపువైనా
క్షణాలు యుగాల్ని సైతం లెక్క చేయకుండా
కళ్లలో వత్తులేసుకుని మరీ
నీ కోసం ఎదురు చూస్తుంటా...!!