Pages

Tuesday 2 August 2011

గుండెకు ఆకలి.. కళ్లకూ ఆకలే...!!!



అమ్మ గుర్తొస్తే...
ఒకటే ఆకలి
కడుపు నింపుకునేందుకు కాదు
గుండె నింపుకునేందుకు........

నాన్న గుర్తొస్తే...
ఆకలే ఆకలి
కడుపునిండా కాదు
కళ్ల నిండా.......
లేని నాన్నను వెతుకుతూ
నా కళ్లకు ఒకటే ఆకలి.....

అమ్మ ప్రేమతో గుండె నింపుకోవచ్చు
కానీ...
ఎప్పటికీ తిరిగిరాని నాన్న ప్రేమ.....???
అందుకే నా కళ్ల ఆకలి తీరదు

ఎందుకు తల్లీ పస్తులుంటావ్
ఇలాగైతే ఎలా అంటూ.. నాన్న
ఎప్పుడైనా కల్లో కనిపించి ఊరడిస్తే
నా ఆకలంతా మటుమాయం
కానీ... ఆ కల మాయమవగానే
నాన్న కోసం నా కళ్ల ఆకలి
మళ్లీ మొదలు..............