Pages

Friday, 21 December 2012

ఆత్మీయ కానుక...!!



కొన్ని ఉదయాలు ఎంత ప్రత్యేకమో...

నువ్వు మాకు తారసపడింది మొదలు
ఎన్ని ఉదయపు జ్ఞాపకాలో..

అప్పుడే ఈ ప్రపంచానికి పరిచయమైన చిన్నారిలా
మా మనసు లోగిళ్లలోకి అడుగుపెట్టావు
మా ప్రపంచంలో నువ్ ఇష్టంగా ఇమిడిపోతే
ఆప్యాయమై అక్కున చేర్చుకున్నాం
అదో ఆత్మీయ ఉదయపు జ్ఞాపకం...!

అది మొదలూ...
ప్రతి క్షణమూ అద్భుతమే...
ప్రతి రోజూ ఆనందపు హరివిల్లులే
ప్రతి ఉదయమూ శుభోదయమే
ప్రతి ఉదయమూ ఓ తీపి జ్ఞాపకమే...!!

కొన్ని ఉదయాలు నీ అల్లర్ల కలబోతలైతే
మరికొన్ని నీ అలకలకు కులుకులైతే
ఇంకొన్ని నీ ప్రేమలో తడిసిముద్దైతే
చాలా చాలా ఉదయాలు మేమే నువ్వైపోతే..!!

ఉదయరాగపు ఆలాపనలా నీ సంతోషం
వేసవి మండుటెండలా నీ కోపం
సేదదీర్చే చిరుగాలిలా నీ స్నేహం
ఆసరా ఇచ్చే భుజమై నీ ఓదార్పు
నేనున్నానంటూ నిలిచే నీ ఆప్యాయత
ఎన్నో.. ఎన్నెన్నో... ఉదయాలు ఇలాగే..
ఇప్పటికీ.. ఎప్పటికీ..

అందుకే.. కొన్ని ఉదయాలు చాలా ప్రత్యేకం..!!

(ఆనందపు, ఆత్మీయపు శుభోదయాలతో మా జీవితంలో రంగులు నింపిన మా కంటి వెలుగు పుట్టిన రోజు ఇవ్వాళ.. నాన్నా...! నువ్వు ఇలాంటి పుట్టిన రోజులు మరిన్ని జరుపుకోవాలనీ.. నిండు నూరేళ్లు ఆయురారోగ్య ఐశ్వర్యాలతో వర్ధిల్లాలని కోరుకుంటూ ఈ చిన్ని కానుక)



5 comments:

skvramesh said...

karunya garu convey my best wishes and blessings to your loving boy

Priya said...

ఆయన పెదవులపై చిరునవ్వుల దీపం నిత్యం వెలుగుతూ ఉండాలని, ఆయురారోగ్యానందాలతో నిండు నూరేళ్ళూ చల్లగా ఉండాలని ప్రార్ధిస్తూ పుట్టిన రోజు శుభాకాంక్షలు తెలియజేస్తున్నాను :)

రసజ్ఞ said...

వేణు మాధవ్ (మీ అబ్బాయి) గారికి జన్మదిన శుభాకాంక్షలు!

వనజవనమాలి said...

చిరంజీవి వేణుమాధవ్ కి పుట్టినరోజు శుభాశీస్సులు. నిండు నూరేళ్ళు చల్లగా వర్ధిల్లు.. వేణు మాధవ్

శోభ గారు.. మీ ప్రేమ అంతా.. ఈ ఆత్మీయ కానుకలో ఉప్పొంగి పారింది.

నాకు చాలా బాగా నచ్చింది.

శోభ said...

@ రమేష్ గారూ

@ ప్రియ

@ రసజ్ఞగారూ

@ వనజగారూ...

ఎంతో ప్రేమగా మీరు అందించిన అభినందనలను, ఆశీర్వాదాలను మా చిన్నాకి అందించేశాను... తను మీ అందరికీ హృదయపూర్వక ధన్యవాదాలు తెలుపమన్నాడు.