Pages

Wednesday, 9 January 2013

నేనిలా... ఎలా...?!!



వాడిపోయిన పువ్వులా
మూగబోయిన మురళిలా
వేకువరాని చీకటిలా
నువ్వు లేని నేనిలా... ఎలా..?

మనసు లేని రాయిలా
గుండె బొమ్మ ఉందెలా
ముసురుకమ్మిన మబ్బులా
నీ ప్రేమ లేని నేనిలా.. ఎలా..?

కంటి చెమ్మ ఊరడించి
బుగ్గల దోసిలి నింపితే
సందె కాంతి ఎరుపెక్కదా
నువ్వు రాని నేనిలా.. ఎలా..?

కంటి భాషకు కరుణించి
మనసు భాషను మన్నించి
చేతి భాషకు పులకించి
పరుగులెత్తావ్ నువ్విలా...
పరవశించాను ప్రేమలా...

ఉన్నాను.. నేనిలా..
నువ్వున్న నేనులా... ఇలా...!!!

7 comments:

డేవిడ్ said...

చాల బాగుంది.

skvramesh said...

very nice andi

వాసుదేవ్ said...

కొంచెం "లా" "లు" ఎక్కువైనా కవితాద్యంతమూ మురళీ రవం వినిపిస్తూనెఉంది...సున్నితమైన విరహాన్ని చిందించారు కవితాత్మకంగా...అభినందనలు

శోభ said...

@ డేవిడ్ గారూ

@ రమేష్ గారూ

@ వాసుదేవ్ గారూ...

కవిత మీ అందరికీ నచ్చినందుకు ధన్యవాదాలు..

వాసుదేవ్ గారూ.. మీ అభినందనలకు నమస్సులు...

డేవిడ్ said...

శోభ గారు మీకు మీ కుటుంబానికి "సంక్రాంతి శుభాకాంక్షలు" ఈ సంక్రాంతి మీ జీవితంలో అనందం నింపాలని ఆశిస్తున్నాను.

శోభ said...

డేవిడ్ గారూ...

ధన్యవాదాలు సర్...

మీకు, మీ కుటుంబ సభ్యులందరికీ కూడా హృదయపూర్వక "సంక్రాంతి శుభాకాంక్షలు"...


ఈ పండుగ మీ అందరి జీవితాల్లో వెలుగులు నింపాలని కోరుకుంటూ.. మరోసారి ధన్యవాదాలు.. :)

శోభ said...

బ్లాగ్ మిత్రులందరికీ కూడా హృదయపూర్వక సంక్రాంతి "శోభ" శుభాకాంక్షలు ... :)