నీతో ఉంటే.......?!!

నీతో ఉంటే కాలం ఉనికిని
నన్ను నేనే మర్చిపోతుంటా
ఎందుకంటే...
నన్ను నీలోనే కదా చూస్తున్నా

నీతో ఉంటే నవ్వుల పువ్వులు వికసిస్తాయి
మమతానురాగాలు పరిమళిస్తాయి
దయతో హృదయాన్ని స్పృశిస్తావు
ప్రేమతో మనసును జయిస్తావు
నువ్వో అద్భుత శక్తివి..
అంతకుమించిన ఆసరావి

నీ సుతిమెత్తని మందలింపులు
నన్నెంతగా మార్చాయని
నా నిర్లిప్తపు రోజులెంతగా మారాయని
కాలం ఎంతగా పరుగులు తీస్తోందని
నీవులేనప్పటి నిండుదనం
నీ రాకతో పరిపూర్ణం....

స్వచ్ఛమైన స్నేహానికి
చిరునామాగా మిగిలిన నేస్తమా...
నేను నిజంగా నమ్ముతున్నా
అందరికీ నీలాంటి స్నేహితులుంటారని
అయితే...
అచ్చం నీలాంటి స్నేహాన్ని ఆస్వాదించాలంటే
నిన్ను చూపించాల్సిందే...!!