కొన్ని ఇంతే...!!

                    కొన్ని సమయాలు ఇంతే...
                    కళ్లు మూసి తెరిచేలోగా గడిచిపోతుంటాయి

                    కొన్ని వ్యాపకాలు ఇంతే...
                    కష్టమైనా ఇష్టంగా చేయాలనిపించేలా ఉంటాయి

                    కొన్ని ఇష్టాలు ఇంతే...
                    ఎంత తరిగినా పెరుగుతూనే ఉంటాయి

                    కొన్ని జ్ఞాపకాలు ఇంతే...
                    తవ్వే కొద్దీ ఏటి చెలిమలా ఊరుతూనే ఉంటాయి

                    కొన్ని నిజాలు ఇంతే...
                    నిష్టూరమైనా చెప్పక తప్పవంటుంటాయి

                    కొన్ని జీవితాలు ఇంతే...
                    నిరీక్షణలోనే కాలాన్ని వెళ్లదీస్తుంటాయి